پاكستان په تېرو څلورو كلونو كښې د معيشت او سلامتيا په څانګو كښې ځانګړې پرمختګ كړے

نيويارك 15 اکتوبر (اے پي پي) د كورنيو چارو وفاقي وزير احسن اقبال وئيلي دي چې پاكستان په تېرو څلورو كلونو كښې د معيشت او سلامتيا په څانګو كښې ځانګړې پرمختګ كړے٬ د هېواد د ټولو څانګو پرمختګ لپاره سول او عسكري مشران يو موټې دي٬ جمهوريت هېڅ خطر نه لري٬ د سول او عسكري مشرانو ترمېنځه د اختلاف پېدا كولو د هڅې كوونكو فعاليتونه د افسوس وړ دي٬ داسې عناصر به په خپلو عزائمو كښې بريالي نه شي٬ د پاكستان او چين د اقتصادي لارې په اړه د امريكې د دفاع وزير بيان بې بنسټه دے۔ ده دا خبرې په نيويارك كښې د پاكستان مسلم ليګ ﴿ن﴾ مشرانو او د مېډيا استازو سره د خبرو په مهال وكړې۔ د كورنيو چارو وزير ووئيل چې هېواد يو شمېر چېلنجونو سره مخ دے او خاتمې لپاره ئې مونږ ته د يووالي او اتحاد ضرورت دے۔ ده ووئيل چې د هېواد د ادارو ترمېنځه هېڅ اختلاف نشته۔ په هېواد كښې جمهوريت هېڅ خطر نه لري٬ د سول او عسكري مشرانو ترمېنځه د اختلاف پېدا كولو د هڅې كوونكو فعاليتونه د افسوس وړ دي٬ داسې عناصر به په خپلو عزائمو كښې بريالي نه شي۔ ده ووئيل چې د مورني وطن دفاع لپاره د قربانو وركوونكو امنيتي ادارو د زړه نه احترام كوو۔ د كورنيو چارو وزير د پاكستان او د امريكې د اړيكو په اړه ووئيل چې د غېرملكي تښتول شويو كسان د راخوشې كېدو نه پس د دواړو هېوادونو اړيكې ښې شوې دي۔ ده ووئيل چې د امريكې خارجه وزير رېكس ټلرسن د روانې مياشتې په پاې كښې د پاكستان دوره كوي۔ د دورې په مهال به په ټولو اړوند چارو تفصيلي خبرې وشي۔ د يوې پوښتنې په ځواب كښې ده ووئيل چې د پاكستان او چين د اقتصادي لارې په اړه د امريكې د دفاع وزير بيان بې بنسټه دے۔ په دې سيمه كښې د قراقرم لويه لار د كال 1970 او 80 په لسيزه كښې جوړه كړې شوې او هغه وخت د امريكې لخوا كوم غبرګون نه دې راغلې۔ ده امريكې ته ووئيل چې هغه دې د كشمير مسئلې حل لپاره خپل اثر و رسوخ په كار راولي۔ بايد جېمز مېټس اقتصادي لارې ته د هند په تناظر كښې ونه ګوري ٬ د كومې څخه به چې ټوله منطقه استفاده وكړي۔ ده ووئيل چې د سي پېك څخه كوم هېواد ته هېڅ خطر نشته۔ د دې څخه وړاندې د پاكستان مسلم ليګ﴿ن﴾ د امريكې مشر روحېل ډار د وفاقي وزير هركلې وكړو او د حكومت د كاميانو ئې ستائنه وكړه

مضمون کا ماخذ : لاٹری کے اعداد و شمار

متعلقہ مضامین