اسلام آباد۔14ستمبر(اے پی پی) پاکستان تے چین وچال ہتھیاراں دے کنٹرول اتے کھنڈݨ توں روکݨ تے ݙوپاسے مشاورت دا نوواں اجلاس اسلام آباد اچ تھئے ۔ گزریل ݙینھ اسلام آباد اچ پاکستان تے چین وچال ہتھیاراں دے کنٹرول تے کھنڈݨ توں روکݨ تے ݙوپاسے مشاورت کیتی ڳئی ۔ گزریل ݙینھ تھیوݨ آلے اجلاس اچ پاکستان د?? وزارت خارجہ دے ڈائریکٹر جنرل (آرمز کنٹرول اتے تخفیف اسلحہ ڈویژن)سفیر طاہر اندرابی تے سن شیاؤبو ??ائریکٹر جنرل (آرمز کنٹرول ڈیپارٹمنٹ)?? وزارت خارجہ امور عوامی جمہوریہ چین آپݨے آپݨے وفد دی قیادت کیتی ۔وزارت خارجہ توں جاری اعلامیہ موجب فریقین ہتھیاراں دے کنٹرول تے کھنڈݨ توں روکݨ دے مسئلیں تے تفصیلی ڳالھ مہاڑ کیتی ، ا??ں موقع تے عالمی تے علاقائی سلامتی نویں تے ابھردی ٹیکنالوجیز،سائبر سکیورٹی،مصنوعی ذہانت، ٻاہرلے خضا تے جوہری ٹیکنالوجی دے پرامن استعمال اچ ݙو پاسے تعاون،کثیرالجہتی فورمز تے ایجنڈا اتے حرکیات بشمول اقوام متحدہ دی جنرل اسمبلی دی کمیٹی، تخفیف اسلحہ دی کانفرنس، بین الاقوامی جوہری توانائی ایجنسی (IAEA)، کیمیائی ہتھیاراں دی ممانعت دی تنظیم (OPCW) اتے ا??ں متعلق مختلف کنونشنز/ٹریٹی باڈیز سودھے تخفیف اسلحہ دے مختلف امکانات دا جائزہ ڳھدا ڳئے۔ڈائریکٹر جنرل سن شیاؤبو سیکرٹری خارجہ سفیر آمنہ بلوچ نال وی ملاقات کیتی ۔ پاک چین ݙوطرفہ تعلقات دی مثبت رفتار اجاگر کریندے انھاں پاک چین سٹریٹجک ڈائیلاگ دے ھک اہم حصے دے طور تےہتھیاراں دے کنٹرول اتے کھنڈݨ توں روکݨ تے باقاعدہ تبادلیں تے مشاورت دی اہمیت تے زور ݙتا ۔ واضح رہے پاکستان تے چین آندے سال بیجنگ اچ ہتھیاراں دے کنٹرول تے کھنڈݨ توں روکݨ تے ݙو پاسے مشاورت داا 10 واں اجلاس کریسن
