قوماں دی ترقی کیتے تعلیم اتے صحت بنیادی ستون ہن، طبی شعبے نال جڑے لوک انسانی اقدار کوں ݙیکھن، صدرمملکت دا خطاب
APP31-160823
ISLAMABAD: August 16 - President Dr Arif Alvi addressing the inaugural session of MED-Health Expo and Summit 2023. APP/MAF/TZD/FHA
اسلام آباد۔16اگست (اے پی پی) صدر مملکت ڈاکٹرعارف علوی بیماریاں کوں مکاوݨ کیتے عوام اچ آگاہی مہم اتے نینگراں کوں ابتدائی طبی اداد دی تربیت ݙیوݨ دی لوڑھ تے زور ݙیندیں ہوئیں آکھیا جو قوماں دی ترقی کیتے تعلیم اتے صحت بنیادی ستون ہن، طبی شعبے نال جڑے لوک انسانی اقدار ??وں ݙیکھن۔ اے ڳالھیں انہاں بدھ کوں میڈ ہیلتھ ایکسپو اتے سمٹ دی افتتاحی تقریب توں خطاب کریندیں ہوئیں آکھی جئیں دا اہتم??م راولپنڈی چیمبر آف کامرس اینڈ انڈسٹری (آر سی سی آئی) کیتا ہئی۔ صدرمملکت آکھیا جو بیماریاں توں ویلھے تے بچݨ نال صحت دے شعبے توں ٻوڄھ ڳھٹ کیتا ونڄ سڳدے۔ ابتدائی طبی امداد دی تربیت سودھے جدید ٹولز اتے ٹیکنالوجی استعمال کر تے تھیوݨ آلی اموات کوں ڳھٹ کرݨ اچ مدد مل سڳدی اے۔ انہاں آکھیا جو مصنوعی ذہانت (اے آئی)نال م??ڈی??ل سائنس اچ ٻہوں تبدیلیاں امدی پئن۔ جدید ٹولز اتے ٹیکنالوجی کوں استعمال کرݨ نال رویاں اچ تبدیلی دے علاوہ رسیرچ اتے ڈویلپمنٹ تے توجہ ݙیوݨ دی لوڑھ اے۔ انہاں آکھیا جو، نیشنل ڈیزاسٹر مینجمنٹ اتھارٹی (این ڈی ایم اے)، ہلال احمر، گرل گائیڈز اتے بوائے سکائوٹس کوں تعلیمی اداریاں اچ طلباء اتے طالبات کوں ابتدائی طبی امداد دی تربیت ݙیوݨ دا اہتمام کرݨا چاہیدے۔
