جنیوا۔4اکتوبر (اے پی پی) وفاقی وزیر برائے موسمیاتی تبدیلی شیری رحمٰن موسمیاتی تبدیلی کوں جدید دور دا ہک وݙا چیلنج قرار ݙیندیں ہوئیں آکھی?? جو پاکستان اچ موسمیاتی تبدیلی پاروں چھل نال وݙے پیمانے تے تباہی تھئی اے، چھل متاثرین دی مدد کیتے دنیا اڳوں آوے۔ حکومت سارے وسائل لا تے متاثرین دی بحالی کیتے کم کریندی پئی اے?? اساں کوں ??نگ??می بنیاداں تے دوائیں اتے طبی سہولتاں دی لوڑھ اے۔ متاثرین کوں سردی توں بچاوݨ کیتے اقدامات کرݨے پوسن۔ اے ڳالھیں انہاں منگل کوں جنیوا اچ چھل متاثرین کیتے پاکستان اتے اقوام متحدہ دی سانجھے ن??رثانی شدہ فلیش 2022 اپیل دے آغاز دی تقریب توں خطاب کریندیں ہوئیں آکھی۔ وفاقی وزیر آکھی?? جو موسمیاتی تبدیلی اچ پاکستان دا حصہ ہک فیصد توں وی ڳھٹ اے، موسمیاتی تبدیلی دے اثرات اچ ترقی یافتہ ملکاں دی ذمہ واری ودھ اے۔ دنیا کوں موسمیاتی تبدیلی دے چیلنجز دا سامݨا اے، دور جدید اچ موسمیاتی تبدیلی ہک وݙا چیلنج اے۔ انہاں آکھی?? جو موسمیاتی تبدیلی نال پاکستان متاثر تھیے، اڄوکا چھل ہک نشابر مثال اے۔ پاکستان اچ وݙے پیمانے تے چھل پاروں تباہی تھئی اے ۔ انہاں آکھی?? جو چھل پاروں 1700 توں ودھ لوک جاں بحق تھین?? اساں ریسکیو اتے ریلیف دے مرحلے اچ ہیسے۔ چھل متاثرین دی بحالی ہک وݙا چیلنج اے۔
.jpg)
