ملڪ پاڪستان اسان جي بزرگن جي عظيم قربانين کانپوءِ حاصل ٿيو آهي: اسد قيصر

APP31-140821 SWABI: August 14 Speaker National Assembly Asad Qaiser addressing public gathering after inaugurating Dialysis Unit at BKMC. APP

اسلام آباد – 14 آگسٽ (اي پي پي) قومي اسيمبلي جي اسپيڪر اسد قيصر چيو آهي ته ملڪ خداداد پاڪستان اسان جي بزرگن جي عظيم قربانين کانپوءِ حاصل ٿيو آهي، اسان کي قوم جي حيثيت سان پنهنجي ملڪ جي ترقي ۽ خوشحالي لاءِ سياست کان مٿانهون ٿي ڪري سوچڻ جي ضرورت آهي، موجوده حڪومت تعليم ۽ صحت جي شعبن تي خصوصي ڌيان ڏئي رهي آهي ۽ خيبرپختونخوا پهريون صوبو آهي جتي 100 سيڪڙو آبادي کي هيلٿ انشورنس جي سهولت فراهم ڪئي وئي آهي. هن اها ڳالهه باچاخان ميڊيڪل ڪامپليڪس صوابي ۾ ڊائيلاسز سينٽر جي افتتاحي تقريب ۾ خاص مهمان جي حيثيت سان شرڪت ڪرڻ جي موقعي تي چئي. هن چيو ته باچا خان ميڊيڪل ڪامپليڪس صوابي صوبي جو 12 هون ايم ٽي آءِ اسپتال آهي، خيبرپختونخوا جو هر شهري 10 لک تائين بلڪل مفت علاج ڪرائي سگهي ٿو، ٻين صوبن ۾ به صحت جي سهولت فراهم ڪئي پئي وڃي، هن چيو ته صوابي ۾ گردن جي مريضن کي سخت مشڪلاتون درپيش هيون، صوابي جا مريض هاڻي پنهنجي ضلعي ۾ ڊائيلاسز ڪرائي سگهن ٿا. اسپيڪر چيو ته باچا خان ميڊيڪل ڪامپليڪس ۾ جلد وڌيڪ سهولتون فراهم ڪيون وينديون، هن چيو ته اسان سڀني لاءِ 14 آگسٽ وچن ورجائڻ جو ڏينهن آهي، ملڪ خداداد پاڪستان اسان جي بزرگن جي عظيم قربانين کانپوءِ حاصل ٿيو آهي، اسان کي قوم جي حيثيت سان پنهنجي ملڪ جي ترقي ۽ خوشحالي لاءِ سياست کان مٿانهون ٿي ڪري سوچڻ جي ضرورت آهي، آزادي جي عظيم نعمت تي اسان پنهنجي رب جو جيترو ٿورو ادا ڪريون اهو گهٽ آهي.

مضمون کا ماخذ : bolão lotofácil

متعلقہ مضامین

ملڪ پاڪستان اسان جي بزرگن جي عظيم قربانين کانپوءِ حاصل ٿيو آهي: اسد قيصر