د وزيراعظم عمران خان د راوي ريور فرنټ اربن ډويلپمنټ پروژې په اړه د بريفنګ په مهال خبرې

لاهور 15 فروري (اے پي پي) وزيراعظم عمران خان وئيلي دي چې لس كاله پس به په لاهور ښار كښې په زمكه كښې د لاندې اوبو كچه ډېره كمه شي، د لاهور په لويو ستونزو كښې د پاكو اوبو كمې او بې ترتيب تعميرات دي، اېل ډي اے دې داسې پروژه راوړي چې ورسره د اوبو مسئله حل شي. د وزيراعظم د مېډيا دفتر لخوا جاري شوي بيان له مخې وزيراعظم عمران خان دا خبرې د خالي په ورځ د راوي ريور فرنټ اربن ډويلپمنټ پروژې په اړه د بريفنګ په مهال په خپلو خبرو كښې وكړې. وزيراعظم ته د پروژې په اړه تفصيلي بريفنګ وركړے شو. وزيراعظم ووئيل چې لس كاله پس به په لاهور ښار كښې په زمكه كښې د لاندې اوبو كچه ډېره كمه شي، د لاهور په لويو ستونزو كښې د پاكو اوبو كمې او بې ترتيب تعميرات دي، اېل ډي اے دې داسې پروژه راوړي چې ورسره د اوبو مسئله حل شي. وزيراعظم د پروژې په روډ مېپ د اطمينان څرګندونه وكړه او وې وئيل چې دا پروژه به يوه غوره ماډرن سټي وي. په غونډه كښې د پنجاب وزيراعلٰی، د وزيراعظم خاص مرستيال سيد ذوالفقار عباس بخاري، خاص مرستيال بېرسټر شهزاد اكبر او نورو وزيرانو او چارواكو هم ګډون وكړو.

مضمون کا ماخذ : گرم گرم

متعلقہ مضامین